About Cherupayar Curry
പുട്ട്, ചപ്പാത്തി ചോറ്, ദോശ തുടങ്ങിയ ഭക്ഷണ സാധനങ്ങളോടൊപ്പം ഒട്ടുമിക്ക വീടുകളിലും ഉണ്ടാക്കുന്ന ഒരു കറി ആയിരിക്കും ചെറുപയർ കറി. പലനാട്ടിൽ പലരീതി എന്ന പോലെ ഓരോ സ്ഥലങ്ങളിലും ഓരോ രീതികളിലായിരിക്കും ചെറുപയർ കറി തയ്യാറാക്കുന്നത്. കുറച്ച് വ്യത്യസ്തതയോടെ എന്നാൽ വ്യത്യസ്തമായ രുചിയിൽ തയ്യാറാക്കി എടുക്കാവുന്ന ഒരു അടിപൊളി ചെറുപയർ കറിയുടെ റെസിപ്പിയാണ് ഇവിടെ വിശദമാക്കുന്നത്. (Cherupayar Curry )
Ingredients (Cherupayar Curry)
- ചെറുപയർ – 1 cup
- തക്കാളി അരിഞ്ഞത് – 1 no
- സവാള അരിഞ്ഞത് – 1 no
- മഞ്ഞൾപ്പൊടി – 1/2 teaspoon
- മുളക്പൊടി 1 teaspoon
- പച്ചമുളക് – 3 no
- വറ്റൽമുളക് – 2
- വെളിച്ചെണ്ണ – 2 tablespoons
- ജീരകം – 1/2 teaspoon
- കടുക് – 1/2 teaspoon
- വെള്ളം – 2 cups
- കറിവേപ്പില
- ഉപ്പ്
How to make Cherupayar Curry
ചെറുപയർ കറി തയ്യാറാക്കാനായി ചെറുപയർ കുതിർത്ത് വെക്കുകയാണ് ആദ്യം ചെയ്യേണ്ടത്. ചെറുപയർ കുതിർത്ത ശേഷം ഒരു കുക്കറിലേക്കിട്ട് ചെറുപയർ ഇട്ട് അതിലേക്ക് ആവശ്യത്തിനുള്ള ഉപ്പും ഒരു തക്കാളി മുറിച്ചതും മഞ്ഞൾപ്പൊടിയും ഇട്ട് അഞ്ച് വിസിൽ വരുന്നത് വരെ ഇട്ട് വേവിച്ചെടുക്കുക. അതിനു ശേഷം ആവി പോയി കഴിഞ്ഞാൽ കുക്കർ തുറന്ന് അതിലുള്ള ചെറുപയർ ഒരു തവി ഉപയോഗിച്ച് നല്ലതുപോലെ ഉടച്ച് പേസ്റ്റ് രൂപത്തിൽ ആക്കി വയ്ക്കുക.
അടുത്തതായി ഒരു പാൻ അടുപ്പിൽ വെച്ച് ചൂടായി വരുമ്പോൾ അതിലേക്ക് എണ്ണയൊഴിച്ച് ചൂടാക്കുക. എണ്ണ നന്നായി ചൂടായി വരുമ്പോൾ കടുകും ജീരകവും ഇട്ട് പൊട്ടിക്കുക. ഇതിലേക്ക് കറിവേപ്പിലയും സവാളയും ഇട്ട് വഴറ്റി എടുക്കുക. എരുവിന് ആവശ്യമായ മുളകുപൊടി ചേർത്ത് പൊടിയുടെ പച്ചമണം മാറുന്ന വരെ വഴറ്റിയെടുക്കണം. ഇതിലേക്ക് നേരത്തെ വേവിച്ചു വെച്ച ചെറുപയറിന്റെ കൂട്ടുകൂടി
അതിലേക്ക് ചേർത്ത് നല്ലതുപോലെ ഇളക്കി മിക്സ് ചെയ്യുക. വെള്ളം കുറവ് തോന്നുകയാണെങ്കിൽ ഈ ഒരു സമയത്ത് കുറച്ചു വെള്ളം കൂടി ചേർത്ത് നല്ലതുപോലെ തിളപ്പിച്ചെടുക്കാവുന്നതാണ്. കിടിലൻ രുചിയിലുള്ള ഒരു ചെറുപയർ കറി റെഡിയായി കഴിഞ്ഞു. തീർച്ചയായും ഈ ഒരു രുചികരമായ കറി ദോശയ്ക്കും പുട്ടിനും ചപ്പാത്തിക്കുമെല്ലാം അനുയോജ്യമാണ്. നിങ്ങളും വീടുകളിൽ ഇതൊന്ന് ട്രൈ ചെയ്തു നോക്കുവാൻ മറക്കല്ലേ.. Recipe Credit : KERALA KITCHEN SHO
Read Also : അസാധ്യ രുചിയിൽ തൈര് സാദം
